AP Moller-Maersk-მა (Maersk) ჩინეთსა და ბანგლადეშს შორის ახალი ოკეანური ტრანსპორტის სერვისი დაიწყო, რათა დააკმაყოფილოს მზარდი სავაჭრო მოთხოვნა, განსაკუთრებით საცალო ვაჭრობის ინდუსტრიაში. ახალი სერვისი, სახელწოდებით SH3, ოპერირებას 2024 წლის 7 ივლისს შეუდგა და ორ ქვეყანას შორის ოკეანურ ქსელს მეტ ტევადობას შემატებს.
SH3 მარშრუტი იწყება ჩინეთში, შანხაის პორტიდან, ქსიამენში, კაოშუნში, ნანშასა და ტანჯუნგ პელეპასში გაჩერებებით, ბანგლადეშის ჩიტაგონგისკენ მიმავალ გზაზე. შანხაის პორტში დაბრუნებისას SH3 ტანჯუნგ პალაფასში გაჩერდება, სადაც ევროპის მიმართულებით გრძელვადიანი მარშრუტები ფუნქციონირებს.
SH3 სერვისის დანერგვა შეავსებს ჩინეთსა და ბანგლადეშს შორის არსებულ SH1, SH2 და IA7 სერვისებს. შეთავაზების შემდგომი ოპტიმიზაციის მიზნით, SH1-სა და SH2-ში ცვლილებები შევიდა. ამ სერვისების კომბინაცია აფართოებს დაფარვას ჩინეთში, რაც უზრუნველყოფს ტვირთის ჩატვირთვის მრავალ ვარიანტს მთელი კვირის განმავლობაში შანხაიდან, ნანშადან და ნინგბოდან, ასევე ბანგლადეშში პირდაპირი მიწოდების მეტ ვარიანტს. ტრანზიტის დროისა და სიხშირის მრავალფეროვნება მომხმარებლებს საშუალებას მისცემს არა მხოლოდ მოიპოვონ დამატებითი ტევადობა, არამედ მოქნილობა და ეფექტურობა მიწოდების ჯაჭვებში.