Alphaliner-ის ახალი ანგარიშის თანახმად, გლობალური კონტეინერმზიდების ფლოტის ტევადობამ პირველად გადააჭარბა 32 მილიონ TEU-ს. მხოლოდ 2024 წლის მაისიდან ზრდამ 8.9% შეადგინა, ხოლო ბოლო ორი წლის განმავლობაში - თითქმის 20%. 2020 წელს პანდემიის დაწყებიდან კუმულაციური ზრდა 36%-ს მიაღწია, რაც ფლოტის გაფართოების უპრეცედენტო დინამიკაზე მიუთითებს.
გამტარუნარიანობის ძირითადი ზრდა შეინიშნება აზიასა და ევროპას შორის მარშრუტებზე - წითელ ზღვაში არასტაბილურობის შედეგად, რამაც აიძულა გადაზიდვების კომპანიები მასიურად შეეცვალათ კურსი აფრიკის გარშემო. გემების ამ გადანაწილებამ გაზარდა დატვირთვა ალტერნატიულ მარშრუტებზე და გავლენა მოახდინა ლოჯისტიკის საერთო გეოგრაფიაზე.
ყველაზე სწრაფად მზარდი ბაზრები იყო ლათინური ამერიკა, ინდოეთი და ახლო აღმოსავლეთი, სადაც ბოლო ორი წლის განმავლობაში კონტეინერული გადაზიდვების ზრდის ტემპმა მნიშვნელოვნად გადააჭარბა ინდუსტრიის საშუალო მაჩვენებელს. ეს რეგიონები კვლავაც იზიდავენ ინვესტიციებს გადაზიდვების ოპერატორებისგან და აძლიერებენ თავიანთ პოზიციას გლობალურ მიწოდების ჯაჭვში.