ყაზახეთის ტრანსპორტის მინისტრმა მარატ კარაბაევმა და ესტონეთის ინფრასტრუქტურის მინისტრმა ვლადიმერ სვეტმა სამუშაო ონლაინ შეხვედრა გამართეს, რათა პორტის ინფრასტრუქტურის სფეროში თანამშრომლობის პერსპექტივები განეხილათ. ვიდეოკონფერენციაში ორი ქვეყნის ბიზნესის, საზღვაო პორტებისა და ექსპორტიორების 60-ზე მეტმა წარმომადგენელმა მიიღო მონაწილეობა.
ძირითადი აქცენტი გაკეთდა სატრანსპორტო მარშრუტების განვითარებაზე, რომლებსაც შეუძლიათ ეკონომიკური კავშირების განმტკიცება და ყაზახეთსა და ესტონეთს შორის სავაჭრო-ეკონომიკური თანამშრომლობის გაუმჯობესება. ორივე მხარემ აღნიშნა ასეთი მარშრუტების მნიშვნელობა ყაზახური საქონლის ესტონეთის პორტების გავლით ტრანზიტისთვის.
შეხვედრის შემდეგ მინისტრებმა გამოთქვეს მზადყოფნა, კიდევ უფრო გააღრმავონ თანამშრომლობა სატრანსპორტო ლოჯისტიკის სფეროში, რამაც უნდა გაამყაროს ორ ქვეყანას შორის სტრატეგიული პარტნიორობა.