აზერბაიჯანის კასპიის საზღვაო გადაზიდვების კომპანიის (ASCO) დაკვეთით ბაქოს გემთსაშენ ქარხანაში აშენებული ახალი ტანკერის „ზანგილანის“ პირველი რეისი პრეზიდენტ ილჰამ ალიევის მონაწილეობით 2 ივლისს შედგა. ტანკერი თურქმენეთის ალაჯას პორტში ჩავიდა და 17 ივლისს სანგაჩალის საზღვაო პორტში ნედლი ნავთობი მიიტანა.
„ზანგილანი“ თანამედროვე გემია, რომლის სიგრძე 141 მეტრია, სიგანე 16.9 მეტრი, 15 კაციანი მუდმივი ეკიპაჟით. ტანკერი აღჭურვილია 6 სატვირთო ავზით, რომელთა საერთო ტევადობა 9212 კუბური მეტრია, ხოლო ტვირთამწეობა 7800 ტონა. ტექნიკური მახასიათებლები, მათ შორის ჩაძირვა, გემს საშუალებას აძლევს შევიდეს კასპიის აუზის არაღრმა პორტებში და ტვირთი გადაიტანოს მის საზღვრებს გარეთ.
„ზანგილანი“ ბაქოს გემთსაშენ ქარხანაში აშენებული მეოთხე ადგილობრივი ტანკერია. მისი წინამორბედებისგან, „ლაჩინისა“ და „ქელბაჯარისგან“ განსხვავებით, მას შეუძლია როგორც ნავთობის, ასევე ქიმიური პროდუქტების გადაზიდვა. უახლოეს მომავალში ქარხანა ASCO-სთვის კიდევ სამი ტანკერის აშენებას გეგმავს, რომელთათვისაც შესაბამისი ხელშეკრულებები უკვე გაფორმებულია.