ჩინეთში სამუშაო ვიზიტის ფარგლებში, ყაზახეთის „ტემირ ჟოლის“ დელეგაციამ სიანის მშრალი ნავსადგური, სიანგუოძიგანგის სადგური და ყაზახეთის ტერმინალი მოინახულა, სადაც ოპერატიული პროცესების შესახებ ინფორმაცია მიიღეს და ტრანსპორტირების ეფექტურობის გაუმჯობესების ახალი მექანიზმები განიხილეს. ვიზიტის ფარგლებში, KTZ-ის საბჭოს თავმჯდომარე, ტალგატ ალდიბერგენოვი, სიანის მერს, იე ნიუპინგს შეხვდა, რომლის დროსაც მხარეები ტრანსპორტისა და ლოჯისტიკის სფეროში თანამშრომლობის გაფართოებასა და საერთაშორისო მარშრუტებზე ტვირთბრუნვის გაზრდაზე შეთანხმდნენ.
სიანში ასევე გაიმართა მრავალმხრივი შეხვედრა, რომელშიც მონაწილეობდნენ KTZ, აზერბაიჯანის, საქართველოს, თურქეთის რკინიგზა და ქალაქის ადმინისტრაცია. მონაწილეებმა კიდევ ერთხელ დაადასტურეს თავიანთი ერთგულება ტრანსკასპიური საერთაშორისო სატრანსპორტო მარშრუტის (TITR) განვითარების მიმართ და შეთანხმდნენ ინფრასტრუქტურის მოდერნიზაციის, ლოჯისტიკის დიგიტალიზაციისა და ტვირთბრუნვის კოორდინაციის ოპტიმიზაციის შემდგომ ნაბიჯებზე.
გარდა ამისა, KTZ-ის მენეჯმენტმა მოლაპარაკებები გამართა თურქმენეთის რკინიგზის ტრანსპორტის მინისტრთან და ძინჰუას კომუნისტური პარტიის კომიტეტის მდივანთან, ჟუ ჩუნლიესთან. მოლაპარაკებები ფოკუსირებული იყო სავაჭრო-ეკონომიკური კავშირების გაფართოებაზე, მულტიმოდალური პროექტების შემუშავებასა და „ერთი სარტყელი, ერთი გზა“ ინიციატივის ფარგლებში სატრანზიტო პოტენციალის გაძლიერებაზე.