MSC ჯგუფის საჰაერო ტვირთების განყოფილება, MSC Air Cargo, გერმანული ასოციაციის Barig-ის (გერმანიაში ავიაკომპანიების წარმომადგენლების საბჭო) ახალი წევრი გახდა, რომელიც ავიაციის ბაზრის წამყვან მოთამაშეებს აერთიანებს. კომპანია ევროპას, აზიასა და ამერიკას შორის Boeing 777-200 სატვირთო თვითმფრინავებით რეისებს ახორციელებს.
MSC Air Cargo-ს აღმასრულებელმა დირექტორმა, იანი დაველმა, აღნიშნა, რომ გერმანია კომპანიისთვის სტრატეგიულად მნიშვნელოვანი ბაზარია და Barig-ში მონაწილეობა მას საშუალებას მისცემს უფრო აქტიურად ჩაერთოს გერმანიის საჰაერო ტვირთების სექტორის განვითარებაში. MSC-ის შემოსვლით, ასოციაცია ამჟამად 30-ზე მეტ საერთაშორისო სატვირთო ავიაკომპანიას აერთიანებს.
„ბარიგის“ აღმასრულებელი დირექტორის, მაიკლ ჰოპეს თქმით, მონაწილეები ინდუსტრიაში არსებული ძირითადი საკითხების, მათ შორის მაღალი ხარჯებისა და რთული ოპერაციული პროცესების ერთობლივად გადაჭრას გეგმავენ. განახლებული „ბარიგის“ საჰაერო ტვირთების კომიტეტი ინდუსტრიაში ინიციატივების კოორდინაციასა და გაუმჯობესების ხელშეწყობაზე გაამახვილებს ყურადღებას.