2025 წელს ყაზახეთში ორი მასშტაბური სარკინიგზო პროექტი ვადაზე ადრე დასრულდება: დოსტიკი-მოინტის მონაკვეთი და ალმატის შემოვლითი ხაზი. ამის შესახებ ტრანსპორტის მინისტრმა ნურლან საურანბაევმა მთავრობის სხდომაზე განაცხადა და ხაზი გაუსვა, რომ ეს პროექტები მნიშვნელოვნად გაზრდის ქსელის გამტარუნარიანობას და გააძლიერებს ქვეყნის სატრანზიტო პოტენციალს.
დღეს ყაზახეთის რკინიგზის სიგრძე 16 ათასი კმ-ია. 2030 წლისთვის დაგეგმილია 5 ათასი კმ-ის მოდერნიზაცია და 11 ათასი კმ-ის შეკეთება. კიდევ სამი პროექტი მიმდინარეობს: დარბაზა-მაქტაარალი, მოინტი-კიზილჟარი და ბახტი-აიაგოზი. პირველი ორი მათგანი ექსპლუატაციაში მომავალ წელს შევა.
გარდა ამისა, დაიწყო 3 ათასი კმ სიგრძის ლიანდაგის მასშტაბური მოდერნიზაცია. ეს ახალი გზების მშენებლობის ეკვივალენტურია: ამგვარად, კიზილჟარ-სექსეულის მონაკვეთის გამტარუნარიანობა 8-დან 25 მატარებლამდე გაიზრდება, ხოლო კანდიაგაშ-ტობოლის მონაკვეთის - 7-დან 25-მდე. მინისტრის თქმით, ეს პროექტები ყაზახეთისთვის რკინიგზის სრულფასოვან ჩარჩოს ქმნის.